17. júní 2018 Kaffihlaðborð

17. júní 2018 Þjóðhátíðardagur Íslendinga. 

Kaffihlaðborð Kvenfélags Garðabæjar

Verður haldið í FLATASKÓLA kl. 14:00 - 17:00
Forsala aðgöngumiða hefst kl. 13:00 í anddyri skólans. 

Allir hjartanlega velkomnir.

Með hátíðarkveðju 17. júní nefndin og stjórn Kvenfélags Garðabæjar

 17 juni (1).jpg

Kvenfélagskonur kolefnisjafna flugferð til Edinborgar

Kvenfélagskonur komu saman í Smalaholti.

Þar gróðursettu þær 83 trjáplöntur í reit félagsins, en tilgangurinn var að hittast og kolefnisjafna flugferð félagsins til Edinborgar.  Í vorferð félagsins, sem var farin til Edinborgar dagana 4. -7. maí  kom upp sú hugmynd að kolefnisjafna flugið með því að gróðursetja í kvenfélagsreitnum í Smalaholti og tóku allar kvenfélagskonur vel í þá hugmynd.

Að lokinni gróðursetningu var konum síðan boðið uppá kakó og nýbökuð horn.  

Skógarnefnd Kvenfélags Garðabæjar

Erla Bil Bjarnardóttir, Guðbjörg Ólafsdóttir, María Ólafsdóttir og Eygló Bjarnardóttir.

Kvengb Smalaholti 1.jpg

Vorferð Kvenfélags Garðabæjar 4 - 7. maí 2018

Hin árlega vorferð Kvenfélags Garðabæjar var farin 4. - 7. maí 2018

Í þetta sinn var ferðinni heitið til Edinborgar.

Í ferðanefndinni voru Bjarndís, Jóna Rún og Oddný Þóra.

Vorum við allar sammála um að ferðin hafi verið mjög vel heppnuð í alla staði og ferðanefndin hefði staðið sig sérlega vel.

 

Edinb 3.jpgEdinb 1.jpgEdinb2.jpg

KONUKOT FÉKK VEGLEGA PENINGAGJÖF

 

 

Kvenfélag Garðabæjar, sem fagnar 65 ára afmæli sínu á árinu, afhenti Konukoti veglega peningagjöf nýverið.

Fjármunirnir söfnuðust á velheppnaðri Sumargleði félagsins, sem haldin var í Garðaholti.

Þar fylltu konur húsið, ekki aðeins kvenfélagskonur heldur einnig gestir þeirra. Vegleg dagskrá var í boði.

Sigga Kling var veislustjóri, Þuríður Sigurðardóttir söng, tískusýning fór fram og lukkuleikur var með vinningum.

 

Skemmtinefnd Sumargleðinnar, ásamt formanni og varaformanni kvenfélagsins, heimsótti Konukot í kjölfarið og gaf afrakstur skemmtunarinnar. 

Brynhildur Jensdóttir, framkvæmdastjóri Konukots, og Jóhanna Þorgrímsdóttir starfsmaður tóku á móti peningunum og þökkuðu kærlega fyrir stuðninginn. 

Verða þeir m.a. notaðir til að kaupa uppþvottavél og þurrkara.

 

Kvenfélagið hefur jafnan styrkt fjölmörg málefni, s.s. ungbarnadeild Heilsugæslu Garðabæjar, Ljósið, MS-félagið, bókagjafir til Fjölbrautaskóla Garðabæjar, fjármagnað tæki til sjúkraþjálfunar á Hjúkrunarheimilinu Ísafold og stutt Styrktarsjóð Garðasóknar.

Öflugu vetrarstarfi félagsins er senn að ljúka. Auk félagsfunda og Sumargleðinnar er t.d. búið að gefa út nýtt félagatal og fara í fjögurra daga menningarferð til Edinborgar.

Framundan er svo skógræktardagur í Smalaholti og hlaðborð á 17. júní í Garðabæ að vanda

Sumargleði Kvenfélags Garðabæjar fimmtudaginn 12. apríl kl. 19:30

Sumargleði Kvenfélags Garðabæjar til styrktar KONUKOTI
verður haldin á Garðaholti, fimmtudaginn 12. apríl kl. 19:30
húsið opnar kl. 19:00

Þetta er skemmtikvöld fyrir ALLAR KONUR.

Sigga Kling mun stjórna gleðinni af sinni alkunnu snild og hin eina sanna Þuríður Sigurðardóttir söngkona og sumargleðidrottning mun taka nokkur lög.

Tískusýning frá versluninni Evuklæði.
Lukkuleikur, margir glæsilegir vinningar.
Léttar veitingar.

Konur, fjölmennið og takið með ykkur gesti þannig

STYRKJA KONUR KONUR. image002.png